Siglir tar il cuntegn
Inhalt

Grischun Central Il pot rimna ussa er las gasettas

En las vischnancas da Surses porscha la Posta Svizra in nov servetsch. Ils pots rimnan las gasettas veglias e deponan ellas en la deponia a Savognin. Il mument nizzegian 45 persunas questa pussaivladad. Diversas reclamaziuns da la populaziun envers la vischnanca han intimà la posta.

Niklaus Zippert da la Posta svizra.
Legenda: Niklaus Zippert da la Posta Svizra discurra d'ina idea da sinergias. RTR, Toni Poltera

L'idea da porscher il servetsch è vegnida dals pots sez. Els hajan fatg stim en la regiun che blers abitants n'eran betg cuntents cun la purschida e las uras d'avertura da la deponia a Savognin e Bivio, di Niklaus Zipper da la Posta Svizra. Suenter discurs cun la vischnanca da Surses vegn ussa il pot mintgamai ina giada l'emna a rimnar las gasettas ed il chartun.

Gasettas veglias.
Legenda: Ussa prenda il pot enavos las gasettas veglias. RTR, Toni Poltera

45 persunas nizzegian il mument quest servetsch e pajan 40 francs per in onn. A Savognin sez è quest servetsch dentant betg pussaivel cunquai ch'ins n'ha betg la capacitad. Il project è per il mument limità sin in onn. Niklaus Zippert è dentant optimistic e s'imagina, che la Posta Svizra possia porscher quest servetsch er en autras regiuns.

150 tonnas palpiri vegl

Martegn Netzer.
Legenda: Martegn Netzer è cuntent cun la soluziun. RTR, Toni Poltera

Per la vischnanca da Surses è la soluziun cun la Posta ina fitg buna chaussa. Martegn Netzer, il schef dal servetsch tecnic, sa regorda bain da la critica. «En la critica èn surtut il palpiri ed il chartun, ch'han fatg mal il venter a la populaziun», ed uschia pon ins ussa porscher alternativas. Cun la scola na funcziunava la collavuraziun betg bain. Ils scolars rimnavan betg tut, il palpiri n'era betg adina pront a temp ed uschia è questa collavuraziun vegnida annullada gia avant divers onns.

La scola fa ussa dentant lavurs sco ir a guaud ni rumir il lai e survegn per questas lavurs daners en la cassa da scola
Autur: Martegn NetzerSchef dal servetsch tecnic

RR actualitad 17:00

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mattin el online suenter ina controlla

Bitte stimmen Sie den Datenschutzbestimmungen zu.
Tschiffar in commentari

500 segns èn anc disponibels

Mit dem Absenden dieses Kommentars stimme ich der Netiquette von srf.ch zu.

I è capità in errur. Per plaschair anc ina giada empruvar.

I n'ha dà anc nagins commentaris. Scrivai il prim commentari.