Siglir tar il cuntegn
cuntegn

Grischun Central Il crocodil è ussa sut tetg

Il Museum da viafier Alvra ha inaugurà il venderdi da mezdi ina susta per duas locomotivas. En tut èn vegnids investids radund 650’000 francs. Ils custs han purtà sponsurs e mecens.

Il crocodil Ge 6/6 I 407 è gia plazzà en la nova garascha, pli tard vegn anc la locomotiva istorica Ge 2/4 205 ch’è il mument a Filisur, plazzada a Bravuogn. Il nov suttetg per las duas locomotivas è vegnì bajegià or da laina da la regiun. Era las lavurs d’atschal ed il tetg d’arom èn vegnidas realisadas da firmas indigenas. Architects dal bajetg èn Stefan Lauener cun ils architects Ruch da San Murezzan. La direcziun da construcziun ha gì Georg Barandun da Filisur.

Puspè dapli visitaders

L’emprima giada suenter l’avertura dal museum da viafier hai puspè dà in augment da las frequenzas, scriva il museum en ina communicaziun. Quest onn haja il museum gia beneventà 18’000 persunas, tge che saja 1000 dapli che l’onn avant.

Novaziuns en il museum

Plinavant ha il Museum da Viafier infurmà davart ulteriurs projects. Il december è la reavertura da la nova tura d’uffants tras il museum; ed anc avant Nadal vegn averta l’exposiziun speziala «Erbe verpflichtet – UNESCO Welterbe in der Schweiz».

RR novitads 06:00