Siglir tar il cuntegn

Header

Video
Midada dal bunker ad Alvagni tar in museum
Or da Telesguard dals 15.05.2019.
abspielen
cuntegn

Grischun Central Il bunker secret daventa museum

Tranter Surava ed Alvagni vischnanca sa zuppa il bunker dal post da commando da l'anteriura brigada da cunfin 12. Il 2020 vegnan las portas dal bunker avertas per mussar en in museum la rolla da la Svizra durant il temp da la guerra fraida.

«Enfin avant dus onns pensavan ils indigens che in spital militar sa chattia davos las portas », di Hans Stäbler da la fundaziun militaristorica dal Grischun. Il bunker ch'è vegnì construì tranter il 1963 ed il 1967 era en vardad il post da commando da la brigada da cunfin 12. «Ed uschia il cor militar grischun da la defaisa svizra cunter ina eventuala attatga dals Russ», tradescha Stäbler.

Museum per documentar guerra fraida

Il 2017 ha la fundaziun pudì surpigliar il bunker da l'armada Svizra e cun lavur cumina far pront per visitader futurs. En il museum vegn documentà la rolla da la Svizra durant il temp da la guerra fraida sco er la situaziun geografica e politica tranter la NATO ed il Patg da Varsovia. Cun il post da commando ad Alvagni possian ins documentar fitg bain quest temp ed il medem mument er porscher ina survista finala dals divers implants da defaisa militara en il Grischun, concluda Stäbler.

RR actualitad 11:00

Ord l'archiv

Video
Cuntrasts – Il Grischun sutterran
Or da RTR dals 01.05.2011.
abspielen
Video
Bunkers camuflads sco chasas
Or da RTR dals 19.06.2005.
abspielen