Las medias n’èn betg giavischadas sin l’areal dal hotel Cube: Rudolf Tucek, l’acziunari principal da l’hotel, ha ordinà in scumond da filmar. Ed intervistas na dettia el naginas. La raschun: dumondas sbagliadas, pretensiuns sbagliadas e temas nunimpurtants.
La regiun beneventa la reavertura
A Savognin ins beneventa dentant la reavertura da l'hotel. Quai è il tenor d’ina pitschna enquista che RTR ha fatg il di da l’avertura. Era la vischnanca da Surses beneventa la reavertura: «Nus essan cuntents ch’avain ina purschida dapli per star sur notg. Nus sperain ch’ils giasts che vegnan sa sentan bain – nus sperain dentant era ch’il Cube vegn da marschar sco pli baud, e che las obligaziuns vegnan ademplidas», ha ditg Leo Thomann, il president communal da Surses.
video
L'hotel Cube ha puspè avert sias portas
Or da Telesguard dals 09.01.2020.
laschar ir. Durada: 1 minuta 55 Secundas.
RTR actualitad 17:00
