Siglir tar il cuntegn

Header

Navigaziun

cuntegn

Grischun Central Grondas investiziuns en Val Schons e Valragn

Ils emprims dus da set projects per il svilup regiunal (PRE) en Val Schons e Valragn pon vegnir realisads. Il chantun e la confederaziun sustegnan ils uschenumnads projects da PRE. Ils contracts èn vegnids suttascrits la fin dal 2016.

Ils set projects èn vegnids elavurads dal Parc Beverin e da la Scola auta turitgaisa per scienzas applitgadas (ZHAW) en collavuraziun cun purtaders locals. L'uniun purtadra è la PRE Beverin.

Realisar dus projects

Tenor ina communicaziun a las medias dal Parc Beverin vegnan dus projects uss realisads. Ad Andeer vegn sanada la chascharia per passa dus milliuns francs. Medemamain ad Andeer vegn sanada la chasa da maz. Quella vegn engrondida ed i vegn a dar ina nova setgentera da charn.

Ulteriurs projects

Ils auters projects da la «PRE Beverin» èn la realisaziun d’in agroturissem sin l’Alp Nurdagn è la construcziun d’ina bieraria pitschna cun ustaria en la chascharia planisada a Sufers. Sin l’alp Curtginatsch duai vegnir construì in deposit per chaschiel d’alp. Plinavant duai dar ina plattafurma nua che tut ils products vegnan commerzialisads.

Grondas investiziuns

Tut ils projects duain vegnir realisads entaifer tschintg onns. Ils custs muntan a circa 7,5 milliuns francs. La Confederaziun sa participescha als custs cun 1.9 milliuns francs, il chantun cun radund 1,5 milliuns francs.

RR novitads 15:00