Grischun Central - Gronda exposiziun da Robert Indermaur
L’artist grischun Robert Indermaur po festivar quest onn ses anniversari da 70 onns e preschenta a Cuira sia pli gronda exposiziun individuala d’enfin qua. Sias picturas e figuras èn da vesair tar il «Forum Würth» a Cuira per radund in onn.
Mezdi: L'artist Robert Indermauer vegn 70 ed expona a Cuira
03:21 min, ord Actualitad dals 07.06.2017.
laschar ir. Durada: 3 minutas 21 Secundas.
L’exposiziun ch’ha cumenzà l’avrigl è da vesair einfin ils 18 da favrer. La fatschenta Würth undrescha las lavurs da Robert Indermaur sco artist e sculptur.
L’exposiziun a Cuira sa numna «People’s Park – Extension». L’exposiziun è er insatge fitg spezial per l’artist che ha ses atelier a Pasqual. El po numnadamain festivar ils 9 da zercladur ses anniversari da 70 onns.
Gronda preschientscha
Robert Indermaur ch’è burgais da Cuira ha ina gronda preschientscha en la publicitad. Uschia sa chattan bleras figuras da bronz sin territori public, per exempel sin la staziun da Tusaun u davant il teater da la citad da Cuira.
En differents lieus ha Indermaur era fatg picturas vi da las chasas, per exempel a la staziun da Cuira. I dat però era intginas chasas ch’èn gia vegnidas stgarpadas giu. Quellas picturas vi da bajetgs ha Indermaur fatg dapi il 1983 – adina ha el fatg quellas cun il consentiment dals possessurs da las chasas.
Las ovras da Robert Indermaur han prest adina da far cun umans ch’èn en acziun.
In sguard sin intginas ovras da Indermauer
1 / 20
Legenda:
Bab cun figlia sin las spatlas (Banca Chantunala, Glion).
RTR, Linus Livers
Legenda:
Um che fa adia (staziun Viafier retica, Tusaun).
RTR, Federico Belotti
6 / 20
Legenda:
Um cun satgados (staziun Viafier retica, Tusaun).
RTR, Federico Belotti
7 / 20
Legenda:
Um vegl cun columba (santeri, Tusaun).
RTR, Federico Belotti
8 / 20
Legenda:
Show für Lisa
Gabi Schneider
9 / 20
Legenda:
Maletg sin ina paraid (ustaria Stiva Veglia, Schnaus).
RTR, C. Albin
10 / 20
Legenda:
Installaziun "artg da glisch" sur il stradun (chasa da scola Meierhof, Sursaissa).
RTR, C. Albin
11 / 20
Legenda:
Dunna cun uffant en l'Obertor a Cuira.
RTR, Michel Decurtins
12 / 20
Legenda:
«Dunna cun tgaun» en la Stochengasse a Cuira.
RTR, Michel Decurtins
13 / 20
Legenda:
Um che fa punt - en l'exposiziun da l'interpresa Würth a Cuira.
RTR, Michel Decurtins
14 / 20
Legenda:
Il musicist cun violina (bajetg da la staziun, Cuera).
RTR, G. Maissen
15 / 20
Legenda:
Um en sutga cun rodas
RTR, Michel Decurtins
16 / 20
Legenda:
L'um che spetga (fassada en la Planaterrastrasse, Cuera).
RTR, G. Maissen
17 / 20
Legenda:
Statua en la Ottostrasse a Cuira
RTR, Michel Decurtins
18 / 20
Legenda:
Duas statuettas - en la Tittwiesenstrasse a Cuira
RTR, Michel Decurtins
19 / 20
Legenda:
Trais statuas avant l'entrada a la chasa da parcar en la via da la posta a Cuira
RTR, Michel Decurtins
20 / 20
Legenda:
«Sitzgruppe» penda en la chasa municipala da Cuira.
RTR, Michel Decurtins
Tar l’exposiziun actuala en il «Forum Würth» è cumparì in cudesch da 200 paginas. Il concern Würth ha gia dapi 15 onns in forum cultural che promova la lavur culturala en il Grischun.
Ina vista en l'atelier da Indermauer
Indermauer in artists multifar
Era sco promotur da la cultura en general è Indermauer s'engaschà. Uschia era el communabel cun auters ils onns 1970 in dals fundaturs da la «Klibühni» a Cuira.
