Grischun Central - Grond di da festa a la Scuntrada Savognin - Novitads

Grischun Central Grond di da festa a la Scuntrada Savognin

Era quest onn organisescha l’Uniun da mastergnants e commerzi Surses la Scuntrada, la fiera annuala sin il stradun da Savognin. 66 stans èn preschents. Per l’emprima giada da la partida è il «Nanign verd», l’uniun che venda verdura indigena.

Autur: Federico Belotti

Barbara Tscharner, Daniela Jäger ed Anna Bompadre.

Las iniziantas ch’han laschà madirar l’idea per in'uniun che promova la producziun e la vendita da verdura en Surses, èn stadas Anna Bompadre e Daniela Jäger da Riom. Ad ellas mancava però in pau la savida, sco era sco ch’i fiss da cultivar verdura sin questas autezzas. Uschia han ellas guardà enturn e tschertgà autras interessentas che sustegnan l’idea. Gia tar l’emprima scuntrada èn stadas preschentas circa 30 persunas.