Grischun Central - Tusaun decida er anc a l'urna davart fusiun cun Mut
La radunanza da Mut/Mutten ha approvà cun 20:8 vuschs la fusiun cun Tusaun. La radunanza communala da Tusaun ha vuschà cun 51:2 vuschs per la fusiun cun Mut.
Dentant che la votaziun da mesemna saira da Mut è gia definitiva, dovri a Tusaun anc ina votaziun a l’urna. Quella è ils 27 da november. Datti là in gea per il contract da fusiun, daventa quella realitad sin l’emprim da schaner 2018, sch’il cussegl grond e la regenza dattan era glisch verda.