Siglir tar il cuntegn

Grischun Central GR dat 1,56 milliuns a favur dal svilup regiunal Beverin

Uss è la via libra per ch’era la Confederaziun possia dar liber ina contribuziun. Quella muntass a maximalmain 1,95 milliuns.

In um che fa cun fain.
Legenda: Il project per il svilup regiunal (PSR) Beverin dess dar sustegn a l'agricultura. Keystone

Las dus contribuziuns sun dependentas ina da l’autra: Cun dar liber la contribuziun chantunala da maximalmain 1,56 milliuns ha la regenza fat liber la via per ch’era la Confederaziun possia dar sia contribuziun. Quella s’augmentass a maximalmain 1,95 milliuns.

Las dus contribuziuns èn destinadas al project per il svilup regiunal (PSR) Beverin.

La finamira dal PSR Beverin è quella da mantegnair e da sviluppar vinavant la valurisaziun regiunala en l'agricultura. Cun il project vegn promovida l'elavuraziun regiunala ed i vegnan averts novs chanals da vendita. La promoziun dal mastergn regiunal e da l'agricultura gida a garantir vinavant l'existenza d'ina regiun vitala e productiva, scriva la regenza en sia communicaziun.

RR novitads 10:00