Grischun Central - Giuven um attatga matta cun martè
A Lantsch ha in um giuven attatgà e blessà ina matta cun in martè. Tenor la polizia chantunala grischuna ha l'um da 18 onns attatgà la matta da 14 onns en il pastrign d'ina chasa da pliras famiglias.
Il delinquent haja dà pliras fridas giu per il chau a la matta. Blessada saja quella vegnida ospitalisada. Ella haja entant puspè pudì bandunar l'ospital.
La polizia ha curt suenter il crim arrestà il delinquent ch'ha confessà ils fatgs. Il motiv per l'attatga n'è anc betg enconuschent.
