Siglir tar il cuntegn

Header

audio
Alireza Darvishy (58) :«La digitalisaziun fa pli simpla la vita da persunas tschorvas»
Or da Actualitad dals 23.09.2021.
laschar ir. Durada: 03:53 minutas.
cuntegn

Giuvaulta «La digitalisaziun fa pli simpla la vita da persunas tschorvas»

Duas giadas l’onn datti en il center per pedagogia speziala il «Giuvaulta-Lunch» da mezdi. Mesemna ha referì Alireza Darvishy. Il professur da la Scol’auta per scienzas applitgadas, la ZHAW a Turitg ha referì davart las tecnologias actualas, e las spetgas per l’avegnir.

Sco quai che Alireza Darvishy (58) ha ditg envers RTR, saja la vita pli baud stada pli difficila per persunas cun in impediment da la vesida. Cura ch’el haja fatg ses studi d’informatica, haja el per exempel gì da laschar preleger tut la materia da ses camarats, cun tadlar las registraziuns sin bindel haja el lura pudì emprender.

Digitalisaziun sco schanza

Oz saja tut vegnì pli simpel. I dettia cudeschs digitals, cun programs saja pussaivel da laschar preleger ils cuntegns da paginas d’internet, ed er il telefonin saja stà ina da las grondas revoluziuns per persunas cun vesida restrenschida. Il svilup giaja però enavant, uschia dettia gia prototips d’ina channa ed in chalzer che gidia a navigar e quai cun agid da vibraziuns. Potenzial vesa Darvishy en la mobilitad. En il traffic public dettia anc bleras chaussas che possian vegnir meglieradas. A lunga vista possia el schizunt s’imaginar, ch’i dettia ina giada vehichels che van a moda autonoma fin tar il binari giavischà.

RTR actualitad 12:00

Artitgels legids il pli savens

Scrollar a sanestra Scrollar a dretga