Siglir tar il cuntegn
cuntegn

Grischun Central Giuvalta: Automobilist mora suenter accident

L'um ch'è vegnì grev blessà tar in accident a Giuvalta avant duas emnas, è mort il mardi vi da sias grevas blessuras. Quai scriva la polizia chantunala en ina communicaziun.

In auto ch'è collidà cun in signal da vias
Legenda: L'um ha stuì vegnir deliberà or da l'auto dals pumpiers. Polizia chantunala

Cun ses auto da persunas charrava l’automobilist da Tusaun en direcziun da Reichenau/La Punt. Datiers da Rothenbrunnen saja el vegnì giud la via e collidà cun ina tavla da traffic, uschia la polizia chantunala.

Ina squadra d’ambulanza da l’ospital da Tusaun ed il medi da la Rega han procurà per l’agid d’urgenza, silsuenter ha la Rega sgulà l’um en l’Ospital chantunal a Cuira. L’A13 è stada serrada en direcziun Cuira durant trais uras.

RR novitads 17:00