Siglir tar il cuntegn

Header

Il president communal da Salouf Gian Sonder.
Legenda: Gian Sonder, il presidet communal da Salouf, resta ina segund onn parsura da l'Allianza en Surses. RTR, F. Belotti
cuntegn

Grischun Central Gian Sonder resta parsura da l’Allianza en Surses

Il president communal da Salouf, Gian Sonder, è vegnì reelegì unanimamain sco parsura da l’Allianza en Surses per l’onn 2015. Encunter la pratica vertenta stat el tuttina in segund onn a la testa da la conferenza dals presidents communals en Surses, Communitgescha la chanzlia da Savognin.

Per ordinari mida il presidi mintg’onn. Cun quai che las votantas ed ils votants en Surses han da vuschar il mars 2015 davart la fusiun da vischnancas en Surses, è Gian Sonder sa declerà pront sin giavisch da restar parsura per in ulteriur onn.

Garantir cuntinuitad dal project da fusiun

Entras quai duess vegnir garantì la cuntinuitad dal project da fusiun. Quel vegn numnadamain elavurà da l’Allianza en Surses, cun sustegn d’in accumpagnament extern da Tino Zanetti e Ralph Kollegger.

RR novitads 09:00