Il restaurant «Schloss Schauenstein» d'Andreas Caminada è puspè tranter ils 50 megliers tempels da gourmet dal mund. Quest onn è el plazzà sin rang 40, suenter ch'el era avant in onn anc sin plaz 59. Quai ha rapportà il magazin britannic «Restaurant Magazine».
«Schloss Schauenstein» è il sulet restaurant svizzer ch'è classifitgà en quest ranking. Sin plaz 1 sa chatta il restaurant danais «Geranium» a Kopenhagen. I suonda sin plaz 2 il restaurant «Central» a Lima en il Peru.
Per la glista dals 50 megliers restaurants dal mund dattan 1’080 persunas dal fatg lur avis, tranter auters cuschinieras e cuschiniers, possessurs da restaurants e schurnalistas.
