Siglir tar il cuntegn

Header

Navigaziun

cuntegn

Grischun Central Fusiun Schons: Votaziun forsa anc quest onn

Las quatter vischnancas da la Muntogna da Schons preparan il mument ina fusiun. Quella pudess ir en votaziun la fin da quest onn. Da la partida èn Casti-Vargistagn, Donat, Lon e Maton.

Questas quatter vischnancas preparan ina votaziun da fusiun.
Legenda: Questas quatter vischnancas preparan ina votaziun da fusiun. Grafica RTR

Sco quai che Dominik Just, l’accumpagnader da fusiun da la Scola auta da tecnica ed economia HTW ha ditg envers RTR, saja la finamira da vuschar gia il november u il december davart la fusiun. Sch’ins dovria dapli temp, alura saja quai però era nagin problem da vuschar pir la primavaira da l’auter onn. En vigur duess la fusiun ir l’entschatta da l’onn 2021.

Las vischnancas da Ziràn-Reschen ed Andeer n’èn il mument betg interessadas vi da la fusiun. Medemamain betg da la partida èn las autras vischnancas da la val Schons Runtgaglia/Rongellen e Farera.

RR actualitad 12:00