Siglir tar il cuntegn

Header

cuntegn

Fusiun Muntogna da Schons Resultat pli cler che spetgà

Suenter che dus projects da fusiun vevan fatg naufragi en la Val Schons hai quella giada funcziunà. Las 4 vischnancas Donat, Casti-Vargistagn, Maton e Lon han ditg gea al contract da fusiun e furman uschia a partir dal 1. da schaner 2021 la vischnanca Muntogna da Schons.

audio
Vischnanca Muntogna da Schons è realitad
ord Novitads dals 27.06.2020.
laschar ir. Durada: 3 minutas 38 Secundas.

Tensiun a Donat

Fertant che tut è i spert en las trais vischnancas sisum la Muntogna; Lon, Maton e Casti-Vargistagn, han ils da Donat procurà per in pau tensiun. Là hai dà ina lunga discussiun. Ils purs han anc ina giada laschà sentir ch'els n’èn betg cuntents cun la lescha d'agricultura ch’è ina part integrala dal contract da fusiun. La proposta da spustar la votaziun sin pli tard ha fatg naufragi. Il resultat pertutgant la fusiun è stà cler.

Jau ma sent fitg bain il mument. Cun quest resultat n’avev jau betg quintà. Che gist 50 dian gea a la fusiun n'avev jau betg quintà.
Autur: Walter Battaglia president communal, Donat

Ils resultats

Avrir la box Serrar la box
  • Lon: GEA = 23, NA = 0
  • Maton: GEA = 16, NA = 2
  • Casti-Vargistagn: GEA = 19, NA = 0
  • Donat: GEA = 50, NA =13, abstenziuns = 5

RTR actualitad 07:00

Artitgels legids il pli savens