Siglir tar il cuntegn
Inhalt

Grischun Central Fusiun da la vischnanca Valragn è gartegiada

Las vischnancas da Valragn, Nufenen e Spleia han decidì a lur radunanzas communalas da fusiunar. Uschia èsi en ina segunda emprova tuttina gartegià almain a questas vischnancas da s'unir. Tar l'ultima votaziun il 2016 era er Sufers anc da la partida, ma lezza vischnanca aveva ditg na.

Las trais vischnancas han decidì cleramain da fusiunar.
Legenda: Las trais vischnancas han decidì cleramain da fusiunar. RTR

La manadra dal project da fusiun, Monika Lorez-Meuli ha ditg ch'ella haja grond plaschair dal resultat cura ch'ella ha annunzià quest ad RTR. Il resultat è stà cler en tut las vischnancas, cunzunt tar Spleia e Valragn.

Resultats da las votaziuns

Vischnanca
Gea
Na
Valragn237
Nufenen3921
Spleia702

Malgrà che la suprastanza da Nufenen ha proponì in «na»

Er in cler resultat hai dà da Nufenen. Quai malgrà che la suprastanza da Nufenen ha gì proponì a lur votantas e votants da refusar la fusiun. Quai cun trais cunter duas vuschs. L'argumentaziun è stada ch'ins haja tema da perder l'influenza. Ina vischnanca suletta haja in vusch pli flaivla sin nivel chantunal che pliras singulas vischnancas. Tar l'emprima votaziun da fusiun aveva la suprastanza da Nufenen proponì dad acceptar la fusiun.

Las vischnancas vegnan sustegnidas dal chantun Grischun cun 3,35 milliuns francs.