Siglir tar il cuntegn
Inhalt

Grischun Central Finalmain ir en pensiun cun 74 onns

Pietro Peduzzi, il mazler il pli enconuschent dal Surses va uss en pensiun e surdat ses affar al biadi da sia sora, David Steier.

Legende: Video Peduzzi va en pensiun abspielen. Laufzeit 03:26 Minuten.
Or da Actualitad video dals 02.05.2018.

La mazlaria dad 80 onns tradiziun resta uschia en famiglia – quai saja bel, cunzunt perquai che la successiun n’era ditg betg segirada. Pietro Peduzzi ha decidì ch’i saja temp dad ir en pensiun – ed ussa, cun 74 onns, saja el era pront per quai. 50 onns ha el manà la mazlaria a Savognin, ch’el ha surprendì da ses bab Ezio Peduzzi.

Il nov possessur, David Steier, ha fatg l’emprendissadi sco cuschinier, suandà dal emprendissadi sco mazler. E suenter ha el lavurà en ina mazlaria a Lai. El vuleva gugent ina giada surprender la mazlaria Peduzzi. Ch’i saja dentant gia uss uschè lunsch - quai saja ì in pau spert. Ma i saja era ina sfida, ch’el veglia prender per mauns.

L’um da 27 onns fa enfin l’auter onn anc la scolaziun sco mainagestiun – e quai sper il manar la mazlaria Peduzzi. Agid en la mazlaria survegn el surtut era dad Adelia Peduzzi, la dunna da Pietro Peduzzi, che resta anc in temp en l'affar. E sch’il nov possessur ha basegns, possia el natiralmain adina clamar per agid il maister mazler – er sche quel s’allegra atgnamain sin ses temp en pensiun senza blers pensums.