Filisur e Bravuogn lantschan discussiuns da fusiun

En ina decisiun da princip ha la radunanza communala da Filisur decidì cun 62:0 vuschs da lantschar las discussiuns da fusiun cun la vischnanca da Bravuogn. Il project duai vegnir accumpagnà da l’Uffizi da vischnancas. Bravuogn ha gia decidì pli baud da lantschar las discussiuns da fusiun.

Radund 60 persunas han visità la radunanza communala da Filisur.

Legenda da maletgs: Radund 60 persunas han visità la radunanza communala da Filisur. RTR, F. Belotti

Cura ch’il project cun la dumonda da fusiun va en votaziun n’è betg anc cler. Plinavant ha la radunanza communala da Filisur decidì, da metter ensemen las administraziuns communalas cun Bravuogn. Uschia pon vegnirs spargnads custs ed il dumber da plazzas po vegnir reducì. Omadus lieus mantegnan lur chanzlias communalas cun spurtegl e servetsch per telefon.