La raschun per il nov retard sajan ils quints annuals, che valan sco basa per actualisar la planisaziun da las finanzas. Ord raschuns da sanadad dal biro fiduziari n'èn ils quints betg anc avant maun.
Discurs cun gruppas d'interess
Actualmain marschan era anc discurs cun las organisaziuns Pro Filisur e Pro Bravuogn, scrivan las vischnancas da Filisur e Bravuogn plinavant. En il decurs da l’october duain ultra da quai esser avant maun ils resultats da l’enquista pertutgant il rumantsch en la vischnanca fusiunada.
audio
Saira: Fusiun Bravuogn - Filisur ha retard
ord Actualitad dals 29.09.2016.
laschar ir. Durada: 2 minutas 32 Secundas.
L'auter onn vegn votà
Simon Theus da l’Uffizi da vischnancas che accumpogna la fusiun ha ditg sin dumonda da RTR, che la votaziun da fusiun vegnia probablamain a succeder en l’emprima mesadad da l’auter onn. Uschia pudess la fusiun ir en vigur sin l’entschatta 2018.
RR novitads 17:00