Siglir tar il cuntegn

Header

audio
Mezdi: Istorgias che collian cun la Viafier retica
Or da Actualitad dals 11.06.2019.
laschar ir. Durada: 2 minutas 29 Secundas.
cuntegn

Festival da la Viafier retica Visitaders raquintan lur istorgias persunalas

La fin d'emna da Tschuncaisma ha gì lieu a Bravuogn il festival da la Viafier retica. Quai a chaschun dals dis dal patrimoni mundial svizzer.

Il festival da la Viafier retica a Bravuogn ha purschì in lieu da scuntrada per quels che partan la gronda fascinaziun per la Viafier retica. Blers dals visitaders èn vegnids en contact cun la viafier gia en lur uffanza...

Tar mai ha quai gia entschet en l'uffanza. Mes tat era conductur e sch'el aveva da pertgirar nus, passentavan nus savens in di en il tren e gievan tras l'entir Grischun.
Autur: Visitader dal Grischun

La gronda part dals visitaders dal Grischun èn vegnids en contact cun la Viafier retica entras lur antenats, il viagiar en il tren ubain tras la lavur. Ma betg tut ils visitaders dal festival n'han gì la viafier quasi davant chasa.

Cur che jau aveva 18 onns, hai jau per l'emprima giada vis a Basilea en ina vitrina ina viafier da model da la Retica. Quella viafier cotschna ha immediat fascinà mai – e quella fascinaziun è restada fin oz.
Autur: Visitader da Basilea
Foti da Peter Müller, fan dalla viafier retica.
Legenda: Peter Müller Fan dal la viafier retica da Basilea RTR, Carin Caduff

RR actualitad 11:00

Artitgels legids il pli savens