Siglir tar il cuntegn

Header

cuntegn

Festival cultural Origen Tut las inscenaziuns èn questa stad a Riom

Il coronavirus lascha enavos fastizs era tar Origen. Per pudair ademplir tut las reglas en connex cun corona, vegn giugà quest onn exclusiv a Riom. Là saja pussaivel il meglier, da mantegnair dapertut la distanza necessaria, ha ditg Giovanni Netzer, l’intendant da Origen.

video
Origen vegn realisà – ma co?
Or da Telesguard dals 08.06.2020.
laschar ir

Il chastè da Riom vegn duvrà sco teater da saut nua ch’i dat 32 preschentaziuns. 22 concerts datti en ina chavadira che vegn drizzada en da nov per il chant. E la gruppa da cumedia gioga quest onn exclusiv en il curtin da la villa Carisch, ina turnea sco ils auters onns na datti betg, ha Origen communitgà oz a Mulegns.

Betg duvrada per preschentaziuns vegn questa stad la tur cotschna sin il Güglia Tenor Giovanni Netzer na saja là betg bain pussaivel da mantegnair la distanza. En la tur datti dentant in'exposiziun da costums dals davos 15 onns Origen.

Il tema principal dal festival cultural da questa stad èn legendas dal temp medieval. Il festival da stad cumenza ils dus da fanadur cun la premiera dal toc Existencia, in toc da Craig Davidson cun sautunzas e sautunz dal ballet da Turitg.

RTR actualitad 17:00

Artitgels legids il pli savens

Scrollar a sanestra Scrollar a dretga