Henrico Zuccalli è stà l’emprim architect dal prinzi da la Baviera. El ha caracterisà il maletg baroc da la citad da Minca. El ha sviluppà la siluetta da la baselgia da teater, ha lavurà en il chastè da Nymphenburg, ha construì il chastè da Schleissheim sco nova residenza per Max Emmanuel II., che giavischava per sasez in Versailles bavarais e che sperava sin la curuna da l’imperatur.
Ovra dramatica dal 17avel tschientaner
Origen deditgescha a l’impressari colonial renumà in’ovra da tribuna dramatica cun ovras da Monteverdi, Scarlatti, Stradella, Pergolesi e Händel. Sin tribuna stattan ils interprets da l’Origen Ensemble.
Clemens Kölbl gioga la figura da Zuccalli. Thiago Bordin gioga il prinzi Max Emmanuel II. Sybille Diethelm è la dunna da Zuccalli, Antonis Michalopoulos il rival Antonio Viscardi. Marian Dijkhuizen gioga Henriette Adelaide.
Il text, la reschia e la tribuna derivan da la penna da Giovanni Netzer. Samuel Streiff maina atras il toc. Serge Schmuki creescha la glisch, Frank Bourgoin il tun, Martin Leuthold e las collavuraturas da l’atelier pôss ils costums.
