Siglir tar il cuntegn

Grischun Central Fatschas novas per Museum viafier Alvra

Il deputà dal Cussegl grond Reto Crameri è il nov president da la fundaziun Museum Viafier Alvra. Novs suprastants da la Societad anonima Museum Viafier SA èn Giancarlo Lozza da Casti e Julian Reich ch’abita en la regiun Viamala.

Legende: Audio Bunura: Novas fatschas tar il Museum da Viafier Alvra abspielen. Laufzeit 2:00 Minuten.
2:00 min, Actualitad dals 13.06.2018.

La proxima radunanza da la societad anonima Museum da Viafier Alvra SA decida proximamain, tgi che daventa il nov president dal cussegl d’administraziun. Quai èn ubain Giancarlo Lozza, ubain Roman Sommer ch’è gia en la suprastanza. Quai è vegnì communitgà a la radunanza generala da sonda passada.

Museum spera sin ulteriur sustegn dal chantun

En l’avegnir sto il Museum da viafier tranter auter s’occupar cun ina nova exposiziun permanenta. Plinavant vul il museum augmentar il dumber dad actualmain dapli che 20’000 visitaders ad onn. Per garantir il surviver dal museum a lunga vista, spera il museum da pudair profitar dad ulteriur sustegn da la nova lescha da promoziun dal chantun. Quai ha ditg il president da la fundaziun Reto Crameri envers RTR.

RR actualitad 06:00