Damai che Farschno ha che crescha il dumber da scolars e las installaziuns da la chasa da scola n'èn betg pli bunas ha il cussegl da citad decidì da realisar ina cumissiun. Questa cumissiun ha gì da sa fatschentar cun la tematica da la chasa da scola. Per pudair porscher instrucziun adequata è vegnì tschertgà schliaziuns cun l'architect Ivano Iseppi.
La scola veglia vegn sanada
Las installaziuns sanitaras, il stgaudament èn vegls e ston vegnir sanads. Plinavant ston bajetgs publics che vegnan renovads esser accessibels per tuts, quai vul dir ch'i na po betg vair stgalims La sanaziun dals indriz sanitars, e da las stanzas da scola custan la vischnanca rodund 280'000 francs.
Plinavant vegn la scola schlargiada
Da bajegiar en l'ascensur e l'engrondir la scola cun duas stanzas da scola e duas stanzas ulteriuras custa 1,21 milliuns francs. Uschia giaschan ils custs per l'entir project sin 1,49 milliuns francs. Las lavurs duain cumenzar l'onn proxim, la primavaira.
Ulteriuras decisiuns da la radunanza communala
Il preventiv 2017 da la vischnanca da Farschno prevesa in surpli da las expensas da radund 156'000 francs. Il pe da taglia da Farschno resta tar 100% da la taglia chantunala simpla.