Siglir tar il cuntegn

Header

Navigaziun

Da san.: Anna Maria Elmer-Cantieni, Gion Pol Simeon, Roswitha Demarmels, Marlies Eugster.
Legenda: Da san.: Anna Maria Elmer-Cantieni (manadra museum), Gion Pol Simeon, Roswitha Demarmels, Marlies Eugster (presidenta). RTR, Federico Belotti
cuntegn

Grischun Central Exposiziun da giubileum Ludwig Demarmels

Quest onn festivass l’artist surmiran Ludwig Demarmels barmier ses anniversari da 100 onns. Il museum local da Vaz a Zorten undrescha las lavurs da Demarmels cun in’exposiziun speziala. Sonda è stada la vernissascha.

Radund 50 persunas han visità la vernissascha. Preschenta è stada era la vaiva da Ludwig Demarmels, Roswitha Demarmels-Angehrn. L’exposiziun speziala cuzza enfin la fin da l’october da quest onn. Ina gronda part da las picturas originalas han motivs da la val d’Alvra. A la vernissascha ha l’autur Gion Pol Simeon preschentà ses cudesch «Ludwig Demarmels 1917- 1992», in’omagi a l’artist.

Dapli che 1'000 ovras

Il pictur e sculptur Ludwig Demarmels è creschì si a Stierva en val d’Alvra. La gronda part da sia vita steva el a Romanshorn en Turgovia. En tut ha l’artist che vegniva numnà in artist modern conservativ stgaffì radund 1’600 ovras.

L’avrigl ha il Teleguard rapportà da l’exposiziun speziala a Kreuzlingen. Il video cumenza cun in clic sin quest text qua.