Entschatta gartegiada dal Tour de Ski

Ils davos trais dis han 27‘000 persunas visità las cursas da passlung dal Tour de Ski en la regiun da Lai. Tenor ina communicaziun da Lai Marketing, hajan regì cundiziuns perfetgas sin las loipas, e surtut la dumengia sajan ils organisaturs vegnids remunerads cun la meglr’aura d’enviern.

Ils organisaturs èn cuntents cun il dumber da fans.

Legenda da maletgs: Ils organisaturs èn cuntents cun il dumber da fans. RTR, F. Belotti

Sco quai che Hannes Parpan, il president dal comité d’organisaziun ha ditg envers RTR, na haja quai dà nagins incaps pli gronds. Ed era la naiv nova da sonda sin dumengia n’haja betg chaschunà problems. Il Tour de Ski cuntinuescha mardi ad Oberstdorf en la Germania cun cursas da sprint en il stil classic.

RR Novitads 18.00