Siglir tar il cuntegn

Header

Navigaziun

Quest indrizs solar tar la la nova halla d'eveniments tar l'arena a Cazas producescha electric per bun 70 chasadas.
Legenda: Quests novs indrizs solar tar la la halla d'eveniments tar l'arena a Cazas producescha electric per bun 70 chasadas. RTR, F. Belotti
cuntegn

Grischun Central Energia solara è pli pauc dumandada

Durant onns è la vendita da panels solars creschida. Ussa para il zenit però d’esser cuntanschì. Christian Hassler da l’Energia Alternativa SA a Ziràn ha reducì persunal, ed era per l’avegnir quinta el da pudair far pli paucas installaziuns solaras.

Investiziuns en l’energia solara vegnan subvenziunadas da la confederaziun e per part era dal chantun. Per installaziuns grondas datti l’uschenumnada indemnisaziun per cuvrir ils cust da la furniziun d’electricitad KEV. Perquai che la glista da spetga è lunga cun bun 37’000 dumondas, vegnan blers projects dentant betg realisads per il mument.

Installaziuns solaras èn daventadas pli bunmartgadas

Christian Hassler da l'Energia Alternativa SA davant ses pli grond project solar ch'el ha realisà ils davos 31 onns ch'el lavura en la branscha.
Legenda: Christian Hassler da l'Energia Alternativa SA davant ses pli grond project solar ch'el ha realisà ils davos 31 onns. RTR, F. Belotti

Per installaziuns pli pitschnas fin ca. 200m2 panels solars, dat quai contribuziuns unicas cun temp da spetga da paucas emnas. Dentant che installaziuns solaras èn ils davos onns vegnidas pli bunmartgadas, sa sminueschan dentant onn per onn era las contribuziuns dal stadi. Sco quai che Christian Hassler ha ditg a RTR, installeschia el actualmain surtut ovras solaras pitschnas che profitan da contribuziuns unicas. En vischnancas cun pretschs auts da l’electric, saja quai pussaivel, d’amortisar in’ovra solara entaifer 10 fin 15 onns. Installaziuns rendian surtut sche l’electric possia vegnir duvrà per gronda part per l’agen diever durant il di, per exempel per chargiar l’auto electric u chargiar il stgaudament a pumpa.


Cura che las cellas solaras eran anc pli tschertgadas

Legenda: Guardar il video Enguladitsch da cellas solaras. Durada 00:16 minutas.
Or da RTR dals 18.06.2003.

Ina novitad dal Telesguard dals 18-06-2003.
Cellas solaras lung l'A13 sper favugn eran vegnidas enguladas.


Legenda: Guardar il video Enguladitsch da cellas solaras 2. Durada 00:14 minutas.
Or da RTR dals 29.12.2004.

E gist anc ina giada…