Siglir tar il cuntegn

Header

A Preda han ils scarsoladers puspè fatg plaz als lavurants dal nov tunnel da l'Alvra.
Legenda: A Preda han ils scarsoladers puspè fatg plaz als lavurants dal nov tunnel da l'Alvra. RTR, Federico Belotti
cuntegn

Grischun Central En il tunnel da l'Alvra vegn puspè lavurà

Suenter ina pausa d’enviern, han l’entschatta da mars puspè entschet las lavurs da construcziun, dal nov tunnel da l’Alvra. Sche tut va tenor plan, avra il nov tunnel cun ina lunghezza da 5,8 kilometers en circa dus onns.

En il tunnel vegnan il mument fatgas lavurs vi dal palantschieu e vi dal revestgiment dal tunnel. Plinavant vegnan il mument sanadas las staziuns da Preda e da Spinas. Logisticamain vegn furnì il betun e la glera che vegn pli tard duvrada en il tunnel.

5'860 meters – uschè lung è il tunnel da l'Alvra che colliescha Preda cun Spinas. La perforaziun è stada l'october avant dus onns. Quest mais ha il 7avel onn da construcziun entschet. Era sin il plazzal sentian ins las consequenzas dal coronavirus. Il tema fatschentia cunzunt ils lavurants. Ina gruppa da lavur da l'Austria n'haja betg pudì vegnir en Svizra. Quai retardeschia las lavurs.

RTR, actualitad 06:00

Artitgels legì il pli savens

Nach links scrollen Nach rechts scrollen