Siglir tar il cuntegn

Header

Navigaziun

Scolastas e scolasts taidlan in referat a la fiera culturala.
Legenda: L'interess da la magistraglia per las differentas purschidas è stà grond. RTR, F. Belotti
cuntegn

Grischun Central Emprima fiera culturala a Tusaun

Prest in tozzel instituziuns culturalas han preschentà lur purschidas en la scola da Tusaun. La fiera culturala duai promover l’interess cultural per scolasts e scolars.

Sco quai ch’ils iniziants da differentas instituziuns culturalas scrivan en ina communicaziun, dettia quai ozendi bleras purschidas culturalas e sportivas. Savens na saja quai però betg pussaivel, d’avair la survista.

Differentas instituziuns preschentas

A l’emprima fiera culturala èn sa participadas tranter auter il Museum Regiunal Surselva, la chasa Stoffel da la citad da Farschno, Bagat, il teater rumantsch/tudestg per in public giuven e per famiglias. Mintga expositur ha gì ina maisa nua ch’el ha pudì preschentar sias purschidas. Mintga expositur ha era fatg in curt referat davart las purschidas.

Forsa era en autras regiuns

Ils iniziants da la fiera culturala speran, che la fiera culturala possia en il futur era vegnir manada tras en autras regiuns.