Sis emprendistas ed emprendists mainan actualmain la staziun da Tusaun, che cumpiglia era in biro da turissem. Sco quai che Fabio Caderas, il manader da vendita nord da la Viafier retica ha ditg, hajan ins fatg bunas experientschas las emprimas sis emnas che la «Junior Station» è averta.
Legenda:
Da san: Fabienne Mühlemann (coach), Lara Fontana, (1 onn d'emprendissadi), Ramona Dürr (3. onn), Isabel Parpan (3. onn).
RTR, Federico Belotti
Staziun è era in biro turistic
Ils emprendists fan sezs tut las lavurs, davent da la vendita da bigliets e la contabilitad enfin tar il servetsch per Viamala turissem. Durant las averturas da la staziun da Tusaun è adina preschent almain in coach, che po intervegnir u gidar als emprendists sch’i dat dumondas. Durant ils trais onns da l’emprendissadi mercantil tar il traffic public, visitan las emprendistas ed ils emprendists differents lieus dal traffic public.
audio
Saira: Emprimas experientschas cun la «Junior Station» a Tusaun
ord Actualitad dals 19.09.2016.
laschar ir. Durada: 2 minutas 32 Secundas.
RR actualitad 17:00