Siglir tar il cuntegn

Header

video
«Nus essan mintga di cuntents»
Or da Giuventetgna dals 31.07.2020.
laschar ir. Durada: 3 minutas 26 Secundas.
cuntegn

Emilia Gadient-Clopath «Nus essan mintga di cuntents»

Ella è indigena, ina pura modesta e simpla, dentant cuntenta cun quai ch'ella ha. Durant nossa visita en sia chasa sa giustifitgescha ella per l'endrizzament simpel. Els na dovrian betg bler per viver, declera ella.

Creschida si è Emilia Gadient-Clopath a Ziràn en ina famiglia da purs. Per ella era cler, ch'ella vul daventar in di nagut auter che pur. Ella na saja mai stada ina dunna da chasa. Quai era cler a sia magistra da lavurs manualas, Gadient-Clopath sa regorda:

Mia scolasta da lavurs manuala m'aveva ditg, per mai fissi meglier d'avair martè ed ina gutta en pugn che guglias da far chaltschiel.
Autur: Emilia Gadient-Clopath pura da Ziràn

Esser pura a Ziràn

Sin lur manaschi han els bun 40 tocs biestga. Vatgas da mulscher, tratga ed anc var trais fin quatter vatgas-mamma. Lur manaschi tutgia plitost tar ils gronds da Ziràn, nua ch'i dat otg bains purils. Quai sin 400 abitants. Ils purs tranter in l'auter sa gidian cura ch'i fetschia da basegn. Ma en general è ella leda, sch'ella na sto betg avair agid d'auters ed è sauna.

Dumondan ins ad Emilia Gadient-Clopath davart il futur dals purs da Ziràn, lura ha ella in bun sentiment, ella pensa ch'i giaja bain. Chalà hajan be quels ch'èn ids en pensiun fin uss. Era da lur vart è la successiun reglada. Avant paucs onns han els bajegià ina nova stalla che lur figl vegn a surpigliar.

audio
Tes vitg – tia istorgia: La pura Emilia Gadient
ord Actualitad dals 31.07.2020.
laschar ir. Durada: 3 minutas 11 Secundas.

La lavur a maun è la pli bella

Dal temp da pli baud sa regorda Emilia Gadient-Clopath gugent. In temp simpel ed onest, senza grond agid da differentas maschinas. Era sche maschinas portian blers avantatgs, preferescha Emilia la lavur a maun. Maschinas possian ins, suenter in tschert punct, be pli trair suenter enstagl da duvrar. Dir èsi dentant uschè u uschia:

Tge ch'i dovra per avair success sco pura? Segir plaschair. E lavurar stoss natiralmain era in zic, ma lez ston ils auters era. Ma ti stoss far gugent quai.
Autur: Emilia Gadient-Clopath pura da Ziràn

Gugent fa ella en mintga cas sia lavur. Nus essan mintga di cuntents, mintga di nua che nagut capita e nus pudain turnar a chasa è in bun di, di ella. Els hajan en sasez mintga di in di da success.

video
La pura Emilia Gadient-Clopath: «Jau na sun mai stada ina 'Huusfrau'.»
Or da Giuventetgna dals 31.07.2020.
laschar ir. Durada: 21 Secundas.

RTR, Actualitad 11:00

Artitgels legids il pli savens