Siglir tar il cuntegn

Grischun Central Elvis è returnà!

Suenter sis emnas en l'ospital d'animals returna il bov Elvis puspè en sia patria a Savognin.

Legende: Video Il bov Elvis ha pudì turnar a chasa abspielen. Laufzeit 03:00 Minuten.
Or da Telesguard dals 15.05.2018.

Pervi d'in abscess tar in da ses chalzers è il bov vegnì operà. Suenter sis emnas en sia boxa privata en l'ospital d’animals a Turitg ha ses possessur Giatgen Arpagaus pudì manar el a chasa. Elvis lascha enavos a Turitg tant 100 kilos, sco era plirs fans – il persunal da tgira ha numnadamain survegnì fitg gugent il bov gigantic, che paisa er uss anc 1150 kilos.

Tar ses return en la patria ha era spetgà ina surpraisa sin Elvis; in nov cumpogn. Il «pitschen Elvis», sco el sa numna anc per il mument. Quai perquai ch'el vesa or sco ina mini-versiun da l'Elvis original. Ses num vegnia dentant anc midà.

In star local

L'Elvis surmiran è pulit enconuschent en il Grischun. El è in'attracziun tar diversas festas popularas ed ins po schizunt vesair il bov en il nov film da «Heidi».

RTR Telesguard 17:40