Grischun Central - Dr. Acla u dissertar davart svilup ed avegnir da las aclas
En il Grischun datti radund 3'500 aclas. Mo paucas da quellas vegnan anc nizzegiadas tenor lur intent da pli baud. Actualmain fa Anna Lydia Capaul, architecta da Flem, ina dissertaziun davart las aclas.
Anna Lydia Capaul posseda sezza in‘acla ed ella era adina gia fascinada da las midadas che las aclas han fatg tras ils davos decennis. Quai ha ella ditg a la saira tematica a Bravuogn, ch’è vegnida organisada dal Parc Ela.
A la fin da ses doctorat en dus onns, vul l’architecta edir in cudesch, che sensibilisescha davart il bain cultural da las aclas. Las tesas duain lura era pudair vegnir applitgadas en il mintgadi.
