Siglir tar il cuntegn

Header

cuntegn

Donat Uniun Rumantscha Grischun Central è senza timun

A la radunanza generala da gievgia saira n’èsi betg reussì da remplazzar il copresidi da Zegna Pittet-Dosch ch’ha demissiunà. Uschia ch’era la copresidenta Gierina Michael n’è betg pli copresidenta cun quai ch’i manca ina segunda persuna. Il post da suppleant en suprastanza n’è betg vegnì occuppà.

Malgrà che radund 35 persunas sajan vegnidas dumandadas na saja nagin sa declerà pront da surpigliar in copresidi, ha ditg la copresidenta partenta Zegna Pittet-Dosch. A la suprastanza fan vinavant part Rico Michael, Giulia Riedhauser e Marc Decurtins. Da nov mo pli suprastanta e betg pli copresidenta è Gierina Michael. En il cas ch’i vegn chattà ina segunda copresidenta, saja ella pronta da puspè parter il presidi, ha ella ditg a la radunanza generala.

audio
Chattà nagin per il presidi
ord Actualitad dals 09.10.2020.
laschar ir. Durada: 2 minutas 59 Secundas.

La proxima radunanza generala da l’Uniun Rumantscha Grischun Central è planisada da far la primavaira da l’onn proxim. Carola Derungs da Donat è vegnida elegida sco delegada da la Lia Rumantscha, ella remplazza Petra Uffer da Savognin ch’ha demissiunà.

Da san.: Giulia Riedhauser, Gion Capeder (Suprastant Lia Rumantscha ed anteriur suprastant URGC), Zegna Pittet-Dosch, Rico Michael, Gierina Michael e Marc Decurtins.
Legenda: Da san.: Giulia Riedhauser, Gion Capeder (Suprastant Lia Rumantscha ed anteriur suprastant URGC), Zegna Pittet-Dosch, Rico Michael, Gierina Michael e Marc Decurtins. RTR, Federico Belotti

RTR novitads 06:00

Artitgels legids il pli savens