Siglir tar il cuntegn

Header

cuntegn

Grischun Central «Dis europeics dal monument» – sin ils fastizs dal «barat»

La fin d'emna dals 12 e 13 da settember èn a Tusaun ils «Dis europeics dal monument». Il program stat sut il tema «barat - influenza».

Quai è tranter auter er il motiv che la tgira da monuments, la protecziun da la patria ed il servetsch archeologic dal Grischun han tschernì Tusaun sco lieu per l’occurrenza. «La regiun enturn Tusaun è influenzada fitg ferm da barat e da relaziuns da commerzi», di Simon Berger, tgirader chantunal da monuments.

Dapli che mo commerzi cun rauba

«Barat» saja dentant stà dapli che mo commerzi cun rauba. Barat haja quai era dà en autras spartas da la vita, per exempel barat spiritual. In mussament per uschè in barat è in crap da batten or dal 5avel tschientaner a Hohenrätien. In mussament per ils emprims cristians en las Alps centralas.

audio
Saira: «Dis europeics dal monument» – sin ils fastizs dal «barat»
ord Actualitad dals 31.08.2015.
laschar ir. Durada: 2 minutas 57 Secundas.

Ir a guardar il palantschieu sura da la baselgia S. Martin a Ziràn

Sper il crap da batten ch'è sur 1600 onns vegls, datti era da vesair chaussas pli modernas enfin fitg modernas. Per exempel il palantschieu sura roman da la baselgia S. Martin a Ziràn or da l'onn 1114, guidas tras las galarias da la Viamala u in film da propaganda da Bartholome Schocher da l'onn 1942, che duess proteger ils vitgs Spleia, Medel e Valragn da vegnir inundads per far in'ovra electrica.

Artitgels legids il pli savens