Dis da cultura a Vaz - Laschà reviver la vita da Flurin Lozza
Als dis da cultura da Vaz «Era qua è mund» da la davosa fin d’emna, ha l’autur Linard Candreia laschà reviver la vita da Flurin Lozza (1870-1919), ch’ha tschertgà la ventira en l’exteriur sco camarier en cafés. El è vegnì accumpagnà musicalmain da sia figlia Silvana Candreia.
En sia prelecziun ha Linard Candreia legì or dal Cudesch «Zurück nach Marmorera», ch’è cumparì avant diesch onns en si’emprima ediziun.
audio
Mezdi: Dis da cultura a Vaz – visita prelecziun Linard Candreia
04:03 min, ord Actualitad dals 14.10.2019.
laschar ir. Durada: 4 minutas 3 Secundas.
La vita da Flurin Lozza
Gia cun 16 onns ha Flurin Lozza stuì bandunar ord raschuns economicas ses lieu da naschientscha Marmorera. Empruvà da chattar sia ventira ha el en diversas citads en Frantscha ed en Spagna. Suenter 17 onns en l’ester è il Surmiran returnà en sia patria Marmorera, nua ch’el ha maridà ina indigena da Sur. Il cudesch sa basa sin il diari da 300 paginas che Flurin Lozza, il frar da pader Alexander Lozza (1880 – 1953), ha scrit en sia curta vita da 49 onns.