Destinaziun Lai cun dapli pernottaziuns

La destinaziun da vacanzas da Lai ha nudà dapli pernottaziuns l'onn da fatschenta 2015/16. Malgrà la situaziun difficila saja il dumber s'augmentà per 1% sin radund 1,5 milliuns pernottaziuns, quai communitgescha la regiun da Lai.

La destinaziun da Lai ha augmentà il dumber da pernottaziuns.

Legenda da maletgs: La destinaziun da Lai ha augmentà il dumber da pernottaziuns. Keystone

Las vischnancas da Curvalda e da Lantsch han pudì registrar dapli giasts quai per 4,7% respectiv per 4,3%, scriva la regiun da Lai.

La svieuta è creschida per 1,8% sin 5,6 milliuns francs. Tuttina serra l'onn da fatschenta 2015/2016 cun ina pitschna perdita da 386 francs.

Gronds events en la regiun Lai

Plirs eveniments gronds ha la regiun da Lai organisà quest onn. Uschia per exempel il Tour de Ski ni er las cursas da la cuppa mundiala da skis da las dunnas. Sco il manader d’events da la regiun Andreas Wirth di, ha la regiun cun l’organisaziun d’occurrenzas grondas elavurà ina gronda savida e cumpetenza era sur ils cunfins ora.

RR novitads 18:00