Demissiun - Remo Kellenberger banduna Parc natiral Beverin - Novitads

Demissiun Remo Kellenberger banduna Parc natiral Beverin

Suenter in engaschi da 13 onns per il project dal parc, da quels diesch onns sco manader da fatschenta, banduna Remo Kellenberger il parc. El s’orientescha da nov. Quai ha communitgà il parc da natira.

Autur: Federico Belotti

Remo Kellenberger ha gia l’onn 2006 fatg emprimas examinaziuns davart la realisabladad dal parc. Suenter in praticum è el vegnì elegì l’onn 2009 sco manader da fatschenta. L’onn 2013 ha il Parc natiral Beverin survegnì il label da la Confederaziun.

Il president dal parc Thomas Buchli deplorescha la demissiun. Remo Kellenberger vul sco proxim introducir sia successura u ses successur e «far plaz per novas ideas». Proximamain duai la plazza vegnir publitgada.