Siglir tar il cuntegn

Grischun Central Dapli che 8'500 francs van en las Honduras

Cun sunar la tiba en differents lieus dal Grischun han Jvana Netzer da Savognin e Martina Bläsi da Vaz rimnà daners per «Yo quero ser», ina chasa che gida uffants da la via en las Honduras. Quai han ellas fatg en il rom d’in project da matura.

Legende: Video Tibar per gidar abspielen. Laufzeit 01:58 Minuten.
Or da sil punct dals 26.07.2016.

Sco quai che Jvana Netzer ha ditg sin dumonda, sajan ellas fitg cuntentas cun ils 8'500 francs ch'ellas han rimnà las davosas duas emnas sin la tura da Mustér fin Samignun. Quai saja bler dapli che spetgà, ellas quintavan da rimnar enturn 2'000 francs. Cletg hajan ellas era gì cun l'aura. Sulet trais giadas en ils 11 dis ch'ellas èn stadas sin viadi, hajan ellas gì da sunar sut tetg. La lavur da matura en la sparta economia fan las mattas da la scola chantunala da Cuira sut il titel: Elavurar in concept da reclama cun ina viandada da donaziuns.

Il 2014 è Patricia Scarpatetti che maina la chasa d'uffants en las Honduras discurrì cun RTR en l'emissiun dals Cuntrasts. Cun in clic sin quest text vegnis vus direct sin l'emissiun.