Siglir tar il cuntegn

Grischun Central Daners da la confederaziun e chantun per bogn Andeer

Cun resalva d'ina finanziaziun totala segirada vegn concedì, en il rom da la nova politica regiunala da la confederaziun (NPR), in emprest da 740'000 francs a la Bogn da cura Schons Andeer SA per la renovaziun dal bogn da cura Andeer. Quai scriva la regenza en ina communicaziun.

Il bogn da cura ad Andeer vegn renovà.
Legenda: Il bogn da cura ad Andeer vegn renovà. mad

Ultra da quai vegn garantida ina contribuziun chantunala da 124'571 francs. Cun renovar il sectur dals batschigls interns sco er da las gardarobas e da las duschas duai vegnir terminada la renovaziun totala dal bogn da cura ch'è vegnida cumenzada avant in pèr onns. La finamira da la renovaziun è quella da porscher als giasts ina impressiun generala unitara cun duvrar las medemas materialias natiralas davent da l'entrada fin al sectur extern. Cun renovar il bogn da cura po il potenzial da valurisaziun vegnir duvrà meglier e novas gruppas en mira pon vegnir attratgas. Da quest augment da l'attractivitad vegnan er a profitar ils ulteriurs purschiders turistics da la regiun.