Siglir tar il cuntegn
Inhalt

Grischun Central Curs per manaders da battasendas

Durant in’emna han 22 mattas e mats tranter 17 e 18 onns fatg a Parsonz in curs da manar ils battasendas. Sco quai che Victoria Mosca, la manadra dal curs ha ditg, hajan ils participants dal curs tranter auter emprendì, tge ristgs ch’els possian ir en cun ils «lufins».

Luna Weggler e Victoria Mosca al curs dals battasendas Grischun, davos è da vesair il Piz Mitgel.
Legenda: Luna Weggler (sanester) è participanta dal curs, Victoria Mosca è la manadra. RTR, F. Belotti

Il mument han ils Battasendas Grischun radund 800 commembers, l’uniun è cunquai la pli gronda organisaziun da giuvenils dal chantun. Ils battasendas èn organisads en quatter stgalims: En il stgalim dals lufs sa participeschan uffants tranter 6-10 onns. Ils uffants da 10-14 onns visitan il stgalim da battasendas. Da 14-17 onns vegn visità il stgalim da Pio ed a partir da 17 onns cumenza il stgalim da Rover. Là sa participeschan en general ils manaders. Ina limita da vegliadetgna maximala na datti betg per sa participar als battasendas.