Siglir tar il cuntegn
Inhalt

Grischun Central Cumplettà suprastanza per Viamala Turissem

A Spleia ha la radunanza generala da Viamala Turissem elegì ils trais novs commembers Sabina Simmen-Wanner, Barbara Dönz e Guido Conrad. Els remplazzan Angela Löschl, Daniel Hürbi e Philipp Bühler.

6 persunas, la suprastanza, stattan ina sper l'autra,
Legenda: da san.: Gian Michael, Barbara Dönz, Andri Marguth, Daniela Kollegger Banzer, Bruno Loi, Sabina Simmen-Wanner mad

Confermads en uffizi èn Daniela Kolleger-Banzer (Scharans, presidenta), Bruno Loi, Andri Marguth e Gian Michael.

Las fatschentas statutaras n'han betg dà grondas discussiuns. Il quint serra tar ina svieuta da 2,9 milliuns francs cun in guodgn da 6'235.60 fr.

Sut la tractanda «rapport annual» ha la squadra da l'infurmaziun da giasts dà invista en lur incumbensas.

Campadi Spleia fa quitads

Il campadi Andeer ha sco gia ils ultims onns fatg in bun resultat. A Spleia è la svieuta dal campadi da passants s'augmentada, entant ch'il campadi da residenza ha danovamain pers giasts. Sco quai ch'igl è da leger en il rapport annual, han plirs giasts da blers onns schlià il contract, per gronda part giasts da l'Italia. La possessura dal campadi, la vischnanca da Spleia, è conscienta che la purschida cumplessiva dal campadi sto vegnir examinada.

RR novitads 12:00