Siglir tar il cuntegn

Grischun Central Cumissiun beneventa nova praschun a Realta

La cumissiun predeliberanta dal Cussegl grond recumonda d'approvar la construcziun d'ina nova praschun serrada a Realta sper Cazas.

Il bajetg existent da la praschun a Realta.
Legenda: Il bajetg existent da la praschun a Realta. RTR, S. Derungs

Tranter auter accentuescha ella, che tant la regiun sco era il chantun profitassan dal nov stabiliment che purtass 80 plazzas novas. Grazia a dapli dunsena dals chantuns da concordat da la Svizra orientala, sa megliurass era il quint da gestiun probabel per 3,4 milliuns francs.

Ils custs totals per la nova praschun èn calculads cun 119 milliuns francs. 33 milliuns surpigliass la confederaziun, uschia ch'i restass al chantun in credit d'impegn da 86 milliuns francs.

La fatschenta vegn tractada en la sessiun d'avust.

RR Novitads 12:00