Siglir tar il cuntegn

Header

Navigaziun

Situaziun geografica Mut e Tusaun
Legenda: Situaziun geografica da Mut e Tusaun. Grafica RTR
cuntegn

Grischun Central Cumbatter la fusiun da Tusaun e Mut

Quest'emna èn cumparì dus fegls sgulants a Tusaun: «Evitar in desaster finanzial per Tusaun» e «Betg fusiunar ensatge senza perspectivas e plagn risico». Davos quels fegls sgulants sa zuppan dus comités che vulan restar anonims.

Ils 27 da november decida Tusaun a l'urna sch’i duess vegnir fusiunà cun Mut ni betg. Mut ha gia decidì entschatta october cun 20 cunter 8 vuschs a favur d'ina fusiun. Quest'emna èn cumparids dus fegls sgulants che vulan impedir in gea da Tusaun. Dal Comité da burgais preoccupads da Tusaun e Mut e da l’Associaziun per votaziuns n’ha dentant nagin vulì prender posiziun ins veglia restar anonim.

Claudia Kleis, la presidenta communala da Tusaun, suppona tgi che stat davos ils adversaris d'ina fusiun. Ella saja trumpada da l'agir, dal sa zuppar davos in comité e da las manzegnas che vegnian derasadas. Ella è dentant er da buna speranza per ina buna fin. «Ils votants e las votantas da Tusaun pon differenziar bain tranter vardad e manzegna» ha ella ditg sin dumonda.

RR actualitad 17:00