Grischun Central - Cudesch sco mussavia per spendrar aclas en decadenza
Bleras aclas, chasas e clavads en Val d’Avras èn en decadenza, ils bajetgs na vegnan betg pli duvrads per l’agricultura. Ina part da quels vul l’Uniun cuntrada cultivada Platta renovar. Ussa è cumparì in cudesch sco mussavia.
L’autur dal cudesch è Jürg Stoffel, ch’è tranter auter stà chanzlist e president cirquital en Val d’Avras. En il cudesch «Platta, eine ehemalige Nachbarschaft im Hochtal Avras» è da leger, quant vegls ch’ils bajetgs èn, tgi ch’abitava en quels bajetgs ed enfin cura ch’els vegnivan nizzegiads per l’agricultura.
audio
Bunura: Cudesch da Jürg Stoffel documentescha aclas da Platta en Val d'Avras
02:43 min, ord Actualitad dals 20.06.2018.
laschar ir. Durada: 2 minutas 43 Secundas.
En il cudesch datti bleras fotografias dad oz e da pli baud, ed explicaziuns da pleds dals Gualsers. Tranter auter è er da leger en il cudesch, davent da cura che la val è abitada, e ch’ils Rumantschs eran qua anc avant ils Gualsers.