Siglir tar il cuntegn

Header

Mathé Camenisch il president da la Corporaziun Val Schons.
Legenda: Mathé Camenisch il president da la Corporaziun Val Schons. RTR, Federico Belotti
cuntegn

Corporaziun Val Schons Dapli che 100 giuvenils han survegnì stipendis il 2020

Quai na datti probabel nagliur auter: En Val Schons pon giuvenils profitar da stipendis per studegiar u per far in emprendissadi. Quai cun daners che derivan dals tschains d’aua da la regiun. Profitar dals daners pon era uniuns, musicas, chors ed il sport.

5% da las entradas dals tschains d’aua en val Schons stattan mintg’onn a disposiziun. Responsabla per surdar ils stipendis è la Corporaziun Val Schons ch’è vegnida fundada l’onn 1956. Profitar dals stipendis pon tut ils giuvenils da Runtgaglia, Ziran, Andeer, Ferrera e la Muntogna da Schons. Daners datti independentamain da la situaziun finanziala d’ina famiglia.

Blers profitan dals stipendis

Sco quai che Mathé Camenisch, il president da la Corporaziun Val Schons ha ditg envers RTR, profitian en media mintg’onn 100 giuvenils da l’agid finanzial. La summa mensila possia esser tranter 100 e 150 francs al mais. La summa pli auta valia per quels giuvenils che n’abitian betg pli a chasa. Dapi ch’i dettia la corporaziun sajan enfin oz vegnids pajads ora radund 12 milliuns francs. Dumondas per stipendis pon mintgamai vegnir inoltradas enfin l’emprim da mars.

RTR actualitad 12:00

Artitgels legids il pli savens

Scrollar a sanestra Scrollar a dretga