Siglir tar il cuntegn

Header

Il medi Franco Muggli è il responsabel dal project "capitale salute" che che s'occupa dapi il 2015 cun la sanadad da la populaziun da la Regiun Moesa, ed ussa era cun il coronavirus.
Legenda: Il medi Franco Muggli è il responsabel dal project "capitale salute" che che s'occupa dapi il 2015 cun la sanadad da la populaziun da la Regiun Moesa, ed ussa era cun il coronavirus. RTR, Federico Belotti
cuntegn

Coronavirus Regiun Moesa fa studi davart l’immunitad da la populaziun

La Regiun Moesa che cumpiglia 12 vischnancas da la Val Calanca ed il Mesauc vul chapir meglier, pertge ch’il dumber dad infectads cun il coronavirus è uschè aut – fin oz hai dà passa 109 cas confermads e 15 mortoris.

Radund 700 persunas da la Regiun Moesa sa participeschan vi d’in test serologic. Sco quai che la regiun ha communitgà ier a San Bernardino, è circa la mesadad da las persunas che fa il test persunal che lavura en il sectur da sanadad. Tar las emprimas persunas haja ins gia prendì sang. Plinavant sajan ellas sa participadas vi d’ina enquista.

En circa diesch dis duessan esser pronts ils resultads. Quels duessan mussar, sch’ils testads sajan stads infectads cun il coronavirus. I saja tgunsch pussaivel ch’i dettia persunas che sajan s’infectads cun il virus senza da s’accorscher sintoms, ha ditg il medi Franco Muggli ch’è responsabel per il studi. Cun ils tests che vegnan fatgs duess surtut il persunal medicinal pudair turnar cun dapli fidanza da sasez sin la plazza da lavur cun enconuscher il stadi d’immunitad.

RTR novitads 06:00

Artitgels legids il pli savens

Ir a sanester Ir a dretg