Siglir tar il cuntegn

Header

cuntegn

Grischun Central Conny Hürlimann maina da nov il turissem en la regiun Viamala

La suprastanza da l'organisaziun turistica Regiun Viamala ha elegì Conny Hürlimann sco directura turistica. La dunna da 48 onns daventa successura da Denise Dillier.

Conny Hürlimann saja ina dunna cun ina grond’experientscha en il marketing ed en il turissem, scriva la Regiun Viamala. Il davos era ella manadra dal marketing e da la communicaziun tar la societad da navigaziun dal Lai da Turitg.

Ferms lioms cun il Grischun

Oriunda dal chantun Turitg, stat Conny Hürlimann dapi blers onns en il chantun Grischun. Ella veglia ensemen cun sia squadra, promover e far anc pli enconuschenta la spierta turistica cun accents sin la cultura e la natira, scriva la Regiun Viamala en sia communicaziun. Per la presidenta da l'organisaziun turistica da la Regiun Viamala Daniela Kollegger-Banzer, è la testa da la regiun turistica occupada optimalmain cun Conny Hürlimann.

Dunna surpiglia da dunna

Conny Hürlimann suonda a Denise Dillier ch'aveva annunzià avant in temp, da sa retrair sco directura da l'organisaziun turistica sin ils 31 da mars 2019. Dillier ha lavura 23 onns per il turissem en la regiun Viamala.

RR actualitad 10:00

Artitgels legids il pli savens