Siglir tar il cuntegn

Header

cuntegn

Grischun Central Comité da sustegn per Daniel Albertin da Mon

Atgnamain na candidescha il deputà dal cussegl grond gnanc per ina reelecziun, e tuttina è sa furmà in comité che vuless Daniel Albertin vinavant en il Cussegl grond. Quest'emna è cumparì in inserat en la Pagina da Surmeir.

Sco quai che Daniel Albertin ch’è dapi otg onns en il Cussegl grond ha ditg envers RTR, acceptass el la veglia dal pievel, sch’el vegniss elegì. Da quest inserat che cumpara en la Pagina da Surmeir ed en las Novitads, haja el gì enconuschientscha. Cun quai ch’el n’è dentant betg candidat uffizial, na crai el era betg d’avair grondas schanzas da vegnir elegì.

audio
Bunura: Comité da sustegn per Daniel Albertin
ord Actualitad dals 01.06.2018.
laschar ir. Durada: 2 minutas 46 Secundas.

Pertge na candidescha el betg?

Tut va enavos sin ina empermischun che Albertin ha fatg avant trais onns: Avess il circul Alvaschein suenter la fusiun da la vischnanca Albula/Alvra vinavant dad avair il dretg sin mo dus sezs en il Cussegl grond, alura na vegnia el betg a candidar danovamain, aveva Albertin ditg da lez temp envers ses collega da partida Reto Crameri da Surava, da lez temp anc circul Belfort.

Perquai che Surava è suenter la fusiun vegnì en il circul Alvaschein, datti uss ensemen cun Romano Paterlini ed Albertin tuttenina trais empè da dus deputads dal cussegl grond, che pudessan candidar per dus sezs. Albertin ha tegnì en sia empermischun ed ha decidì da betg daventar candidat uffizial per la Partida cristiandemocratica, a lezza ch’appartegnan era Paterlini e Crameri. Uschia èn ussa mo els dus candidats uffizials per il Cussegl grond.

Artitgels legids il pli savens